Buku Lantip Basa lan Sastra Jawa punika dipunrakit kanthi adhedhasar Capaian Pembelajaran (CP) Muatan Lokal Bahasa Jawa pada Kurikulum Merdeka, ingkang sampun kaserat ing Surat Keputusan Kepala Dinas Pendidikan dan Kebudayaan Provinsi Jawa Tengah Nomor 423.5/ 04678 ing Lampiran II. Buku punika dipunginakake kangge sarana lan bahan piwulangan para siswa ing fase E sekolah menengah kejuruan (SMK) lan madrasah aliah kejuruan (MAK). Tumrap para dwija, buku punika ugi saged mbiyantu lan nyengkuyung anggenipun nggegulang ing salebeting pasinaon. Wonten ing salebeting buku punika, ugi sampun dipunrakit kangge nyengkuyung Proyek Penguatan Profil Pelajar Pancasila (P5) saha ngemot ing babagan kejuruan lan kearifan lokal. Pinunjuling buku Lantip Basa lan Sastra Jawa inggih punika: 1. Dipunrakit jumbuh kaliyan Kurikulum Merdeka, inggih punika munjeraken pasinaon dhateng para siswa kanthi modhel pasinaon terdiferensiasi inggih punika proses, konten/materi, lan asil pasinaon. 2. Lelandhesan kanthi 4 elemen dhasar kaprigelan basa, inggih punika nyemak, micara, maos (maca), lan nyerat (nulis). 3. Saben bab dipunjangkepi QR code ingkang arupi audio, video, aplikasi android, lan CBT kangge nggampilaken pasinaon. 4. Pasinaon adhedhasar kagiyatan kangge nggladhi kaprigelaning siswa. 5. Wonten ing pungkasaning bab lan pungkasaning semester, buku punika ugi ngamot asesmen sumatif ingkang awujud soal pilihan ganda lan uraian kanthi modhel soal HOTS lan AKM. Mugi-mugi kanthi rancangan buku Lantip Basa lan Sastra Jawa punika, dipunajab supados para siswa nggadhahi pangertos ingkang pinunjul, nalar kanthi kritis lan nyengkuyung ing babagan kejuruan saha kearifan lokal ing laladan Provinsi Jawa Tengah ugi njejegaken minangka siswa ingkang nggadhahi kapribaden Pancasila lumantar pasinaon basa lan sastra Jawa ing tataran SMK/MAK.